Archive for the ‘Uncategorized’ Category
गज़ल : जिगर जोशी
Posted ઓગસ્ટ 30, 2011
on:जिस गली से गुज़रने में बरसो गयें
देर तक आज सोचा उधर क्यों गयें
लौटने में ज़रा देर क्या हो गई
कुछ की दुनिया गई कुछ के घर खो गयें
चंद चींखों की चादर से तन ढक लियाँ
और फिर नींद की धूप में सो गयें
उस की आवाज़ के पेचीदा मुल्क में
खामशीं के मुसाफिर जो थे, खो गये
फस्लें क्या लहलहायेगी सच में ‘जिगर’
जल्दी जल्दी में रिश्ते वो बो तो गयें
शाम की रोशनी में नहाकर ‘जिगर’
ये सडक ये शहर क्या से क्या हो गयें
ગઝલ : જિગર જોષી ‘પ્રેમ’
Posted ફેબ્રુવારી 19, 2011
on:
નથી એ સાંજ, સમય પણ નથી ને ઘાવ નથી,
હવે એ જણનો કશો મારા પર પ્રભાવ નથી.
કે જ્યારે થાય તને મન તું પથ્થરો ફેંકે,
આ જિંદગી છે ભલા જિંદગી, તળાવ નથી.
એ મોઢામોઢ કહી દેશે વાત કોઈ પણ
છુપાવે સત્ય, અરીસાનો એ સ્વભાવ નથી
પહાડ પરથી સતત વ્હેતા વ્હેતા આવ્યા છઇ
સફર પસંદ કરી એકે જ્યાં પડાવ નથી
ખલેલ જે – જે હતી જિંદગીમાં, સર્વ ગઈ
હવે તો શ્વાસની પણ કોઇ આવજાવ નથી
गज़ल : जिगर जोशी
Posted જાન્યુઆરી 5, 2011
on:बहुत पेचीदा हैं ये बात की आखिर किधर जाते
हुनर गर ख्वाब सा होता तो आँखो में उतर जाते
लगा हैं गाँव मे मेला खिलौना माँगते बच्चे
अगर जाते भी हम या-रब, बता किस मूँ से घर जाते
कई सालों से मैं इस पल कि खातिर जी रहा था दोस्त
न आते याद दो पल और तो ये ज़ख्म भर जाते
लहर बन के हुए पैदा किनारे पर ही जाओगे
ठहर जाते कहीं गर राँह में तो यूँ ही मर जाते
सडक के जंगलो से प्यार इक हद से जियादा हैं
वगर ना शाम होते ही “जिगर” भी अपने घर जाते
બાળગીત : જિગર જોષી ‘પ્રેમ’
Posted ડિસેમ્બર 7, 2010
on:ચિન્ટુ જલ્દી પિન્ટુ જલ્દી ચાલો વ્હીસલ વાગી
ટીચર સૌને બતાવે છે જંગલની રેલગાડી
ડ્રાઇવર થઇને એન્જિનમાં બેઠાં છે રીંછભાઈ
આગળ જોતા જોતા એ તો ગીત રહ્યા છે ગાઈ
આ બાજુ છે પહાડ ઊંચા પેલી બાજુ ખાડી
ટીચર સૌને બતાવે છે જંગલની રેલગાડી
કોટ પેન્ટ ને ટાઇ પહેરી સસ્સા રાણા આવ્યા
ટીકિટચેકર છું હું ભાઇ એમ સૌને સમજાવ્યા
જિરાફ હાથી શિયાળભાઇએ તરત ટીકિટ દેખાડી
ટીચર સૌને બતાવે છે જંગલની રેલગાડી
“ગુફા” નામનું સ્ટેશન આવ્યું સિંહ ભાઈ ક્યે રોકો
કાલે પાછા મળશું કહિને એણે માર્યો ભૂસકો
છુક છુક છુક છુક કરતી ગાડી પાછી ત્યાંથી ચાલી
ટીચર સૌને બતાવે છે જંગલની રેલગાડી
ઝરણાં આવ્યા નદિયું આવી આવ્યા મોટા પૂલ
વાઘભાઇને કૈંજ બીક નૈં એ તો ઠંડા કૂલ
હરણ, વરુ ને સાબરભાઈ પાડે કેવી તાલી
ટીચર સૌને બતાવે છે જંગલની રેલગાડી
ઉપરોક્ત વિષય પરત્વે જણાવવાનું કે સૌરાષ્ટ્રના જાણીતા બાળ સાહિત્યકાર શ્રી મહીપતરામ જોષીની સ્મૃતિમાં સ્થપાયેલ ટ્રસ્ટ “જીવનકલા ફાઉન્ડેશન”, રાજકોટ દ્વારા આગામી વર્ષથી દર વર્ષે બાળ સાહિત્યની ઉમદા સેવા કરનાર માટે નિયમિત રીતે એક એવોર્ડ આપવાનું આયોજન કર્યું છે. એવોર્ડ માટે પસંદગી પામનાર સર્જકને સન્માનપત્ર, શાલ અને ધનરાશી આપવામાં આવશે.
કોણ ભાગ લઇ શકે ?
૧. બાળ સાહિત્યકાર (બાળગીતો, બાળ વારતા, બાળ કાવ્યો, જોડકણાં, ઉખાણા, વિગેરે જેવા બાળસાહિત્યના સ્વરૂપોમાં સર્જન કરનાર સર્જક)
૨. બાળ સાહિત્ય અંગે નોંધપાત્ર સંશોધન કરનાર
૩. અન્ય ભાષામાંથી ગુજરાતી ભાષામાં બાળ સાહિત્યના કોઇપણ પ્રકારનો ઉત્તમ અનુવાદ-ગ્રંથ-પુસ્તક કરનાર
એવોર્ડ માટે આ બાબતો ધ્યાને લેવી
૧. કવર ઉપર સુવાચ્ય, સ્પષ્ટ અને મોટા અક્ષરે “કવિ શ્રી મહીપતરામ જોષી એવોર્ડ માટે” એમ લખવું, અન્યથા મોકલનારની એન્ટ્રી ઉક્ત એવોર્ડ માટે ધ્યાને લેવામાં આવશે નહી.
૨. દરેક સર્જકોને વિનંતી કે વર્ષ ૨૦૦૩ પછી પ્રકાશિત થયેલા જ બાળ સાહિત્યના સ્વરૂપોમાહેના કોઇપણ સ્વરૂપના પુસ્તકની એક-એક નકલ મોકલવી.
૩. ઉલ્લેખનિય છે કે આ એવોર્ડ માટે એન્ટ્રી મોકલનાર સર્જકના બહુ વધારે સંખ્યામાં પણ પુસ્તકો પ્રગટ થયા હોય, છ્તાં એમના તરફથી “જીવનકલા ફાઉન્ડેશન-રાજકોટ”ને મોકલવામાં આવેલ પુસ્તકોને જ માન્ય રાખવામાં આવશે-જે ખાસ ધ્યાનમાં લેવું.
૪. મોકલનાર તમામ સર્જકે સુવાચ્ય અક્ષરે પોતાનું નામ, સંપૂર્ણ પરિચય, પાસપોર્ટ સાઇઝના બે (૨) ફોટોગ્રાફ્સ મોકલવા અનિવાર્ય છે.
૫. આ એવોર્ડ માટે “જીવનકલા ફાઉન્ડેશન-રાજકોટ” નો નિર્ણય આખરી રહેશે. કોઇપણ સર્જકનો કોઇપણ પ્રકારનો હસ્તક્ષેપ રહેશે નહીં
૬. આ એવોર્ડ માટે કોઇપણ પ્રકારની પૂછપરછ માત્ર ટપાલ મારફત કરવી. અથવા Email: jigarmsw@gmail.com પર પૂછી શકો છો. (આપ સુજ્ઞ છો વ્યસ્તતાને સમજી શકો છો)
૭. એન્ટ્રી મોકલવાની છેલ્લી તારીખ ૩૧/૧/૨૦૧૧
એન્ટ્રી મોકલવાનું સરનામુ:
ચંદ્રિકાબેન જોષી, પ્રમુખ શ્રી જીવનકલા ફાઉન્ડેશન-રાજકોટ, ૫૯/ ગંગોત્રી પાર્ક, યુનિ. રોડ, રાજકોટ-૫
Posted જૂન 22, 2010
on:તું છે ?
જો છે તો ક્યાં છે ?
તું કેવા સ્વરૂપે છે ? તું
સ્થળ, કાળ બધું અતિક્રમિ શકે છે ?
શું પરિસ્થિતિ કે સંજોગ કે એવું કશું તને નડે છે ?
તને પરિવર્તન ગમે છે ?
તું આ બધું જાતે જ કરે છે કે તારીય ઉપર કોઇ છે ?
આ બધું તું અમારા માટે કરે છે કે તારા માટે ?
તારા વિશે જે ભ્રમણાઓ પ્રવર્તે છે એના વિશે તું અવગત તો છેને ?
કે તારે કાન નથી ? પણ સંવેદના તો મરી નથી પરવારીને ?
ઇશ્વર ! આવી બધી મને શંકા નથી પણ મારો સ્વભાવ થોડો વધારે ચિંતાળુ છે.
Posted જૂન 20, 2010
on:એક તો લાગ્યો છે અમને જાતરાનો થાક
ને ઉપર થીજી ગયો તારા જવાનો થાક
સાંજના વાતાવરણમાં તું અગર ના હોય
શક્ય છે, લાગી શકે, ગમતી જગાનો થાક
ગાલ પર ભીનાશનું કારણ ફકત છે એજ
આંખથી નિતર્યા કરે છે ચાહવાનો થાક
તુંય ઘેલી છે અલી ! કેવી કરે છે વાત !
આભને લાગે કદી આ વાદળાંનો થાક ?
ચાલ મન ! મંદિર તરફ ચાલીને જઇએ સહેજ
એ બહાને પીગળે નાસ્તિકપણાંનો થાક
હસ્તરેખાઓ અવાચક થઇ ગઈ છે ‘પ્રેમ’
હાથને લાગ્યો છે પત્રો બાળવાનો થાક
ઉદ્દેશ – ડિસેમ્બર – 2009
Posted જૂન 20, 2010
on:ફરી સાંજ ઢળશે ફરી રાત પડશે અહીં એજ ચક્કર ફરે છે યુગોથી,
અજબ રેસમાં સૌને મૂકી દઇને સમય મૂછમાંથી હસે છે યુગોથી.
વસાતા નથી પાંપણોના કમાડો… પણે લાગણી તરફડે છે યુગોથી.
પુરાતન સમી સાવ જર્જર અમારી આ આંખોમાં સપના સડે છે યુગોથી.
થશે મદભરી મસ્ત મોસમની વર્ષા ક્યહી એમ ધારીને ફોગટ બિચારૂ-
અમારા નસીબોનુ ચાતક હથેળીની ડાળે જુઓ કરગરે છે યુગોથી.
સમસ્યા વિહોણું જિવન જીવવું એ તો ઝાકળને શ્વાસોમાં ભરવા સમુ છે,
હકીકતથી વાકેફ હોવા છતાંયે બધાં આવું જિવન ચહે છે યુગોથી.
ક્યહીં જિર્ણ શ્વાસો ક્યહી છે નિસાસો ક્યહી ‘પ્રેમ’-પીડાનો અફસોસ ખાસ્સો,
ક્યહી ફૂગ્ગા જેવી ગમંતી ક્ષણોને સતત ટાંકણીઓ અડે છે યુગોથી.
Posted જૂન 20, 2010
on:પરાપૂર્વથી કોઇ આપી રહ્યુ છે છતાં હાથ ખાલીના ખાલી રહ્યા છે,
ભિતરથી જ એનું પગેરૂ મળ્યું છે છતાં હાથ ખાલીના ખાલી રહ્યા છે.
પણે ક્યાંક કરતાલ વાગ્યાનો વૈભવ અને હાથ આખોય દાઝ્યાનો વૈભવ,
તળેટીથી ટોંચે બધું ઝ્ળહળ્યું છે છતાં હાથ ખાલીના ખાલી રહ્યા છે.
હતી એક જણ પાસે બે ચાર બૂંદોની આશા અને સામે એ જણ જુઓ તો-
મને આખ્ખુ ચોમાસુ આપી રહ્યું છે છતાં હાથ ખાલીના ખાલી રહ્યા છે.
ઘણીવાર ભગવાઓ ધારણ કરીને ભિતર કોઇ મીરાંનુ મંથન કરૂ ત્યાં-
તરત મોરપિંછુ નજરમાં ચડ્યું છે છતાં હાથ ખાલીના ખાલી રહ્યા છે.
સિકંદર સમુ વિશ્વ આખુ ફર્યો છું ; પહાડો સમા અશ્વ કાબુ કર્યા છે,
અને યોધ્ધા જેવું ‘જિગર’ સાંપડ્યું છે છતાં હાથ ખાલીના ખાલી રહ્યા છે.
Hello world!
Posted જૂન 20, 2010
on:Welcome to WordPress.com. This is your first post. Edit or delete it and start blogging!